Dýr / flokkar             með vsk                 án vsk
Hundar flokkur 3 :      230.000 kr.             184.000 kr.
Hundar flokkur 2 :      205.000 kr.             164.659 kr.
Hundar flokkur 1 :      180.000 kr.             144.578 kr.
Kettir :                      145.000 kr.             116.466 kr.

Innifalið er flutningur frá flugvelli, fæði, húsnæði, þrif, almenn umhirða, feldhirða, auk rannsókna og reglubundnu eftirliti dýralæknis á meðan dvölinni stendur.
Það er enginn bakreikningur, ef upp kemur sníkjudýrasmit eða sér kröfur frá eiganda, það er allt innifalið í verðinu.

Í tilvikum þegar um er að ræða viðbótarkostnað sem fellur til vegna einstakra dýra s.s. ef kalla þarf á dýralækni sérstaklega vegna veikinda dýrs eða ef nauðsynlegt reynist að taka aukalega sýni til rannsókna greiðir eigandi viðkomandi dýrs slíkan kostnað við uppgjör.

Vegna þess að hestainflúensan hefur fundist í hundum í Bandaríkjunum eru nú tekin sérstök blóðsýni og send til Svíþjóðar í skoðun.
Hestainflúensan hefur fundist í Evrópu og þar af leiðandi ekki eingöngu kennd við Bandaríkin.

Tollur
Hafi eigandi átt dýrið skemur en 12 mánuði ber honum að greiða toll/virðisaukaskatt af kaupverði dýrsins við innflutning.  Innflytjendum er skylt að leggja fram tollskýrslu hjá tollstjóra, þ.á.m. vörureikning þar sem fram koma upplýsingar um nöfn og heimili seljanda og kaupanda; útgáfustað-og dag; hvenær sala fór fram og greiðsluskilmála. Þar sem um er að ræða lifandi dýr er gefinn 14 daga greiðslufrestur frá komu dýrsins til landsins. Rekstraraðila einangrunarstöðvar er ekki heimilt að afhenda dýr úr einangrun fyrr en tollur hefur verið greiddur. Hafa skal samband við Sýslumanninn á Keflavíkurflugvelli í síma 425-0666 til að ganga frá greiðslu.